«МЯДЗВЕДЗЬ»Галоўная »
«МЯДЗВЕДЗЬ» — традыцыйны танец-гульня. Музычны памер 2/4. Тэмп умераны. Зыходнае становішча выканаўцаў: двое танцораў стаяць адзін насупраць другога, рукі апушчаны. Спачатку яны прытанцоўваюць, потым адзін з іх становіцца на карачкі («на 4 нагі») а другі садзіцца яму на спіну тварам у процілеглы бок, ахоплівае рукамі ніжняга ніжэй пояса і імкнецца падняць яго ўверх нагамі. Менавіта гэта фігура і паходзіць на ўстаўшага на дыбкі мядзведзя. Танец-гульня суправаджаўся смехам, падбухторваннем, выкрыкамі гледачоў.
Зафіксаваны ў Іванаўскім і Камянецкім раёнах.
Аўтар: А.Л. Варламаў Крыніца: Этнаграфія Беларусі: энцыклапедыя / Беларуская Савецкая Энцыклапедыя; рэдкалегія: І.П. Шамякін (галоўны рэдактар) [і інш.]. - Мінск: БелСЭ, 1989. - 375 с. |