МЫШСКІ ЗАМАК існаваў у 2-й палове 16 — 1-й палове 17 ст. каля в.Старая Мыш (Баранавіцкі раён Брэсцкай вобласці) на высокім правым беразе р.Мышанка.

Квадратны ў плане (50 х 50 м) замак быў абнесены з усходу, поўдню і захаду земляным валам (шырыня каля 15, выш. 3,5 — 4 м) і абарончым ровам (шырыня 30, глыбіня да 15 м, адхоны берагоў 45°), з поўначы ахаваны дрыгвяністым берагам ракі. На земляным вале і паўночным краі замка былі драўляныя сцены з 4 вежамі па вуглах.

У 1654 г. у час вайны Расіі з Рэччу Паспалітай 1654-67 гг. пасля працяглай аблогі замак узяты рускімі войскамі і спалены.