НАСТАЎКАГалоўная »
НАСТАЎКА — традыцыйная рыбалоўная снасць у выглядзе адкрытага зверху і знізу ўсечанага конуса. Архаічны тып — плеценая з дубцоў, пазнейшы — сеткавая на драўляным каркасе (рабіўся з двух злучаных прутамі абручоў). Каркас абцягвалі адной густой і адной або дзвюма рэдкімі сеткамі.
Настаўка
Настаўкамі рыбачылі ў зарослых травой і зеллем вадаёмах; невялікімі настаўкамі лавілі ўброд, вялікімі — з лодкі.
Настаўку вертыкальна апускалі на дно і як бы абгароджвалі ім рыбу, якую заганялі шастом або вяслом у сетку. 3 вады рыбу даставалі рукамі. Лоўля рыбы настаўкаю была характэрна для Палесся.
Аўтар: I.М. Браім Крыніца: "Этнаграфія Беларусі" |