Мае шмат харэаграфічных варыянтаў. У адным з іх танец кругавы па форме, выконваецца супраць ходу гадзіннікавай стрэлкі. Зафіксаваны ў Лельчыцкім раёне Гомельскай вобласці. Сустракаецца кадрыльны тып «нажніц», які таксама мае шмат варыянтаў. У розных мясцовасцях выконваюць розную колькасць кален (ад 4 да 8), аднак у кожным пэўным варыянце прытрымліваюцца традыцыі. У танцы ўдзельнічаюць 4, 6, 8 пар, якія размяркоўваюцца ў дзве лініі — адна супраць другой. Найбольш часта ўжываюцца такія харэаграфічныя малюнкі, як гарызантальныя, «косыя» — дыяганальныя пераходы туды-сюды (радзей сустракаецца круг) то па аднаму, то парамі. Кожны малюнак паўтараецца па чарзе ўсімі выканаўцамі. Як завяршэнне калена (або яго часткі) выконваюць павароты парай (парамі) на месцы. Усе калены як правіла выконваюць без перапынку і аб'яў. Асноўны рух — просты шаркаючы крок. У склад харэаграфічнай лексікі ўваходзяць адзіночныя, двайныя, трайныя прытупы. Такі варыянт пашыраны на Усходнім Палессі. Музычны варыянт зафіксаваны ў
Ельскім раёне
Гомельскай вобласці.