НАЗВАНЫЯ БАЦЬКІ — дзейныя асобы ў сацыялістычным абрадзе ўрачыстай рэгістрацыі нованароджаных, які бытаваў у СССР. Называюцца таксама ганаровыя бацькі, нарачоныя бацькі. Вядомыя з 1970-хгг.

Названыя бацькі — блізкія сябры сям’і нованароджанага. Прымаюць удзел у выхаванні свайго названага сына або дачкі. У час рэгістрацыі нованароджанага названым бацькам уручалася «Пасведчанне-памятка».

Абрад быў распрацаваны і ўкараняўся дзеля замены хрышчэння і замены паняцця «хросныя бацькі».