ОСІПАВЫГалоўная »
ОСІПАВЫ — беларускія майстры лакавай мініяцюры. Муж і жонка. Працавалі ў сааўтарстве. Удзельнікі мастацкіх выставак з 1959 г. Распрацоўвалі фальклорныя сюжэты, народныя звычаі ды абрады, тэмы гісторыі і сучаснасці. Творам уласцівыя майстэрства кампазіцыі і вытанчанасць малюнка.
Аляксандр Іванавіч (н. 25.05.1930 г., в. Вязаўка Базарна-Карабулакскага р-на Саратаўскай вобл.). Скончыў Палехскае мастацкае вучылішча (1959). Старшыня праўлення Гомельскай арганізацыі Саюза мастакоў Беларусі (1969 — 1973, 1977 — 1981).
Ганна Сцяпанаўна (н. 19.05.1925 г., в. Варатынь Калінкавіцкага р-на). Скончыла Палехскае мастацкае вучылішча (1950).
Пераехалі ў Гомель на пачатку 1960-х гг. Творы экспанаваліся на буйных міжнародных выстаўках. Значнае месца ў творчасці Аляксандра Іванавіча займаў іканапіс. Працы захоўваюцца ў фондах БСМ, Нацыянальным мастацкім музеі Рэспублікі Беларусь, музеі Гомельскага палацава-паркавага ансамбля. Іх творы набывалі таксама Мітрапаліт Філарэт, Свяцейшы Патрыярх Алексій II, Папа Рымскі Ян Павел II.
Крыніца: «Краязнаўчая газета» 26 (619) чэрвень 2016 г. |