Чацвер, 22.02.2018, 21:51

ПАДЭСПАНЬ


ПАДЭСПАНЬ — гарадскі побытавы танец. Музычны памер 3/4, 4/4. Тэмп умерана хуткі. Аўтар музыкі і танца артыст Вялікага тэатра Аляксандр Царман (Масква, 1898 г.) пры стварэнні падэспані выкарыстаў характэрна-сцэнічныя элементы іспанскага танца.

На тэрыторыі Беларусі з'явіўся ў пачатку XX ст. Быў пашыраны і ў вёсках, дзе зазнаў уплыў народнай харэаграфіі. Выконвае падэспань любая колькасць параў, асноўны малюнак — круг. Найбольш характэрны варыянт танца, калі выканаўцы, узяўшыся за рукі, становяцца парамі па лініі танца тварам у твар і выконваюць простыя або прыстаўныя крокі ўправа і ўлева, павароты (дзяўчаты пад рукой хлопца), прытупы, падскокі і інш. Гэты блок рухаў паўтараецца некалькі разоў запар. У Докшыцкім раёне часам выконвалі таксама па-дэ-баск. У Брэсцкай вобласці ў час танца хлопцы выконвалі прысядку.

Зрэдку падэспань уключаюць у кадрылю, у сувязі з чым змяняецца характар танца і метрарытм. Падэспань часам суправаджаецца парнымі прыпеўкамі, хлапцоўскімі прысвістамі.

Крыніца: «Краязнаўчая газета» № 48 (641) снежань 2016 г.
Меню
Відэаканал GantsRegion
Уваход

Пошук
Катэгорыі раздзелу
Публікацыі [249]
Каталог файлаў [96]
Малая краязнаўчая энцыклапедыя [115]
Культура [137]
Адукацыя [13]
Спорт [512]
Здарэнні [123]
Грамадства [247]
Эканоміка [10]
Транспарт [68]
Блог [6]
Падарожнічаем разам [10]
Каляндар
«  Люты 2018  »
ПанАўтСерЧацПятСубНяд
   1234
567891011
12131415161718
19202122232425
262728
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.