ПАГЛЫБЛЕНАЯ ГРАВЮРАГалоўная »
ПАГЛЫБЛЕНАЯ ГРАВЮРА — друкаваны адбітак на паперы (ці падобным матэрыяле) з пласціны-дошкі (пераважна меднай), на якой фарба запаўняе паглыблены малюнак; від гравюры. Вядомая з XV ст., на тэрыторыі Беларусі з XVII ст.
Малюнак гравюры паглыбляюць механічнымі ці хімічнымі (пратраўліванне кіслатою) сродкамі, фарбу набіваюць тампонамі ў паглыбленні, гравёрную дошку, накрытую вільготнай паперай, пракатваюць паміж валікамі друкарскага станка. Існуюць разнавіднасці паглыбленай гравюры: афорт, акватынта, мяккі лак, разцовая гравюра, «сухая іголка», меццатынта і інш.
Крыніца: «Краязнаўчая газета» 33 (626) верасень 2016 г. |