ПАЛЬМЕТА (франц — palmette) — арнаментальны матыў у выглядзе сіметрычнага стылізаванага веерападобнага ліста пальмы, кветкі аканта або бружмеля. Выкарыстоўваецца ў архітэктурным дэкоры і дэкаратыўна-ўжытковым мастацтве.

Упершыню матыў пальметы зарадзіўся ў Егіпце і ўяўляў сабой стылізаваную веерападобную кветку лотаса; зафіксаваныя розныя тыпы егіпецкіх пальметаў — простыя, з адзінкавай кветкай; адзінкавыя з матывам узыходнага сонца; пэндзлі з кветак; кветка або пальмавая галіна, што абапіраюцца на скрутак. 3 Егіпта матыў пальметы распаўсюдзіўся на Крыт, у Месапатамію і Персію, дзе знойдзеныя адны з самых ранніх узораў пальметаў, верагодна, заснаваныя на старажытных егіпецкіх матывах.

Пальметамі аздобленыя фасады мінскага ГУМа.