ПЕРАЛАЗГалоўная »
ПЕРАЛАЗ — прыстасаванне для пераходу праз агароджу сялянскай сядзібы. Рабілі звычайна каля варотаў, збудаванняў або ў іншых месцах агароджы, каб скараціць шлях да суседняй сядзібы ці студні, у агарод.
На месцы пералазу агароджа была крыху ніжэйшая (пераадольная вышыня для чалавека, але перашкода для жывёлы ці свойскай птушкі). Звычайна на пералазе вышыня была такой, каб праз яе можна было перайсці, пераступіўшы нагамі. 3 абодвух бакоў яго стваралі своеасаблівыя прыступкі з вялікіх камянёў, калодаў, або накшталт укапанай у зямлю невялікай лаўкі, якую ставілі ўпоперак плота, скрозь яго. 3 цягам часу пералаз замянілі веснічкі.
Крыніца: «Краязнаўчая газета» №38 (727) кастрычнік 2018 год |