ПЕРАМЁТГалоўная »
ПЕРАМЁТ — традыцыйная рыбалоўная снасць: шнур (ад 10 да 30 метраў), па ўсёй даўжыні якога прывязваюцца павадкі з кручкамі. У асноўным скарыстоўваецца для лоўлі драпежнай рыбы. Лакальная назва — шнур.
На кручкі чапляецца прынада: чарвякі, жыўцы і іншае. Перамёт устанаўліваюць папярок вадаёмаў. Каб не зносіла плынь, прывязваюць да кустоў, часам да канцоў шнура прымацоўваюць каменне. Рыба, праглынуўшы кручок з прынадай, плавае на павадку да прыходу рыбалова. Як адмысловая прылада выкарыстоўвалася ў Паазер'і для лоўлі вугроў.
Крыніца: «Краязнаўчая газета» №38 (727) кастрычнік 2018 год |