У выбраным вузкім месцы праз раку перацягвалі вяроўку, прывязвалі яе канцы да калкоў, убітых каля берага. На дно ракі на шнуры пры дапамозе каменя апускалі кошык з прыкормам (макухай). Свабодны канец шнура прывязвалі да вяроўкі. У гэтым жа месцы да яе прывязвалі яшчэ адзін шнур (адвод), другі канец якога прымацоўвалі да сярэдзіны вудзільна. Павадкі шнура перавалокі тонкімі лёскамі, звітымі з конскага хваста, утрымліваліся недалёка ад кошыка з кормам. Праглынуўшы кручок з прынадай, рыба рвала валасяныя лёскі, аслабляла асноўную лёску вуды, вудзільна з прыўзнятым канцом клалася на ваду і сігналізавала пра ўлоў. Лоўля перавалокай была пашыраная на Дняпры на
Магілёўшчыне.
