ПРЫВОЙ — прыстасаванне для прывіўкі раёў. Называлі таксама абманка. Уяўляў сабой невялікую навошчаную або абсмаленую дошчачку чорнага колеру, якую гарызантальна прыбівалі да канца жэрдкі.

Некалькі прывояў устанаўлівалі на двухметровых жэрдках вакол пасекі ў час раення пчол. Замест прывою нярэдка развешвалі старыя шапкі або пацямнелыя соты. Часта прывой націралі мелісай, пах якой прывабліваў пчол.