ВАБІК – пастка для прываблiвання i лоўлі пчалiных раёў, падобная да невялiкага калоднага вулля. Лакальныя назвы навужнiк, настаўка, стаўбун. Выраблялi з рознага спадручнага матэрыялу, часцей з яловай кары. Расстаўлялi на дрэвах вакол пасек, у лесе, на палявых межах. Для прынады сярэдзiну вабіка нацiралi духмянай травой мелiсай, апырсквалi сытой, клалi кавалачкi сотавага мёду, галiнку алешыны з маладымі лiсточкамi. Аселены рой перасаджвалi ў вулей.