ВЕРХНЯДЗВІНСКАЕ ТКАЦТВА – на роднае традыцыйнае ручное ўзорыстае ткацтва. Вядома з даўніх часоў (у літаратуры з 19 ст.) на тэрыторыі Верхнядзвінскага р-на (ткалі посцілкі, дываны, ручнікі).

Асаблівасцю верхнядзвінскага ткацтва з'яўляецца традыцыйнае спалучэнне 2 колераў: чорнага з малінавым, чорнага з белым, чорнага з чырвоным, чорнага з аранжавым. Разнастайнасць дасягаецца ўзбуйненнем або змяншэннем асобных матываў, рознымі перапляценнямі нітак пры захаванні адзінага кампазіцыйнага ладу, агульнага для тканін розных раёнаў Віцебскай вобласці. Тэхніка — перабор, шматрамізная, выбарная. Узоры — «у дымкі», «у ромбы», «у кругі» і г.д.