ЗАЛЕССКАЯ КАПЛІЦА МАЦІ БОЖАЙ АНЁЛЬСКАЙГалоўная »
ЗАЛЕССКАЯ КАПЛІЦА МАЦІ БОЖАЙ АНЁЛЬСКАЙ размяшчаецца ў вёсцы Залескія Воранаўскага раёна Гродзенскай вобласці.
Учынена ў 1990-я гг. ў былым сядзібным доме 1938 г. Помнік архітэктуры з рудыментамі неакласіцызму. Вырашана прамавугольным у плане аб'ёмам пад двухсхільным дахам. Франтальны фасад вылучаны па цэнтры мансардным чатырохкалонным порцікам з трохвугольным франтонам, рытмічна расчлянёны прамавугольнымі аконнымі праёмамі з трохвугольнымі сандрыкамі.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|
