Капліца размяшчаецца на паўднёвай ускраіне вёскі, на могілках. Пабудавана з цэглы ў 1-й палавіне 19 ст. з бутавага каменю як пахавальня ўладальнікаў маёнтка Вендорфаў. Помнік архітэктуры класіцызму. Вырашана кампактным прамавугольным у плане аб'ёмам пад вальмавым дахам, закрытым на фасадзе паўкруглым франтонам. Арачныя аконныя і ўваходныя праёмы вылучаны цагляначырвонымі ліштвамі на паліхромным фоне бутавай муроўкі сцен. Капліца ўключана ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 113Г00030.