Колішняя сядзіба Абуховічаў закладзена ў другой палове ХІХ ст. Парак меў плошчу каля 10 га. Засталіся рэшткі парку ў яго ўсходняй і заходняй частках. Заходняя частка ўяўляе сабой купу дрэў, у асноўным дубы, узрост якіх дасягае больш за 200 гадоў. Усходняя частка парку, дзе размяшчаўся сядзібны дом, складаецца з разнастайных парод, у тым ліку лістоўніц, клёнаў, акацый, спірэі, ліпы і інш. Сядзібны дом быў пабудаваны ў канцы ХІХ стагоддзя з дрэва, аднапавярховы, меў у плане форму прамавуголніка. Дах высокі чатырохсхільны, накрыты гонтай. Пасля Другой сусветнай вайны перавезены ў вёску Гуту, дзе прыстасаваны пад школу і сельскі клуб. У канцы 1990-х гадоў абкладзены цэглай. Побач з сядзібай размешчаны старадаўнія могілкі, дзе пахаваны продкі Абуховічаў, Вендорфаў і Яленскіх.
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.