Царква ў гонар Успення Прасвятой Багародзіцы была размешчана ў цэнтры вёскі, стаяла ў глыбіні свабоднага ад забудовы ўчастка, у скверы. Пабудавана ў 1868 годзе з дрэва архітэктарам Вайтовічам. Знішчана ў 1980-я гады. Помнік рэтраспектыўна-рускага стылю. Тры зрубы прызначаны для званіцы, бабінца, малітоўнай залы з бакавымі прыдзеламі, прамавугольнай апсіды. Асноўны кубападобны аб'ём завяршаў васьмерыковы светлавы барабан. У кампазіцыі будынка вылучаліся кампактная вертыкальная званіца і прыземісты асноўны аб'ём. Царква і званіца завяршаліся аднолькавымі васьмерыковымі барабанамі з чатырохшчытовымі шатрамі. Бакавыя фасады мелі ярусна ўзрастаючую кампазіцыю. Такая трактоўка фасадаў зменшыла плоскаснасць будынка і ўзбагаціла яго сілуэт. У архітэктуры царквы значнае месца займаў дэкор: карнізы, фрызы, ліштвы аконных праёмаў, вуглавыя пілястры і шчыты шатроў, драўляная разьба, якая вельмі ажыўляла фасады і выяўляла іх тэктоніку, падкрэсліваючы аб'ёмы і асноўныя чляненні. Характар разьбы вель...