Царква ў гонар Успення Прасвятой Багародзіцы размяшчаецца ў цэнтры вёскі. Пабудавана ў 1992 годзе з цэглы на месцы драўлнага храма 1868 года. Вырашана па кампазіцыі папярэдняга храма ў стылізаваных формах рэтраспектыўна-рускага стылю. Яе фарміруюць прамавугольныя ў плане прытвор-званіца, кароткая трапезная, цэнтрычная малітоўная зала з бакавымі прыдзеламі, прамавугольная апсіда. Над пакатым чатырохсхільным дахам цэнтральнага аб'ёму і шатром васьміграннай званіцы ўзведзены цыбулепадобныя галоўкі.