ГАРАДЗЕЛЬСКАЯ УНІЯ 1413 года – саюз ВКЛ і Польшчы, заключаны 2 кастрычніка 1413 года ў замку Гарадле на рацэ Заходні Буг дзеля спалучэння сіл супраць замежнай агрэсіі.


Ёй было абвешчана аб'яднанне дзвюх дзяржаў, але яна гарантавала і тое, што кожны з саюзнікаў будзе самастойны, а ВКЛ будзе мець свайго вялікага князя. У выпадку смерці Вітаўта і Ягайлы кіруючыя колы ВКЛ і Польшчы павінны былі не выбіраць новых уладароў без узаемнай згоды. Тым не менш магнаты-католікі і каталіцкія храмы ў ВКЛ атрымалі значныя льготы.