ГРОДЗЕНСКАЯ КАПЭЛА ТЫЗЕНГАЎЗА – прыдворны аркестр падскарбія надворнага
ВКЛ А.Тызенгаўза (1733-1785), які наладзіў
Гродзенскія каралеўскія мануфактуры, Гродзенскую музычна-тэатральную школу,
Гродзенскі тэатр і першае на Беларусі перыядычнае газетнае выданне і быў арандатарам Гродзенскай друкарні.
Названая капэла існавала ў 1765-1780 гг. Вызначылася па прафесійным узроўні сярод іншых падобных гуртоў, суправаджала паказы Гродзенскага тэатра Тызенгаўзаў, касцельныя службы і інш. У рэпертуар уключаліся араторыі, месы (галоўнае касцельнае богаслужэнне, шматгалосны харавы твор), музычна-сцэнічныя творы, сімфоніі і побытавую музыку. У гэтай капэле праяўлялі мастацтва як замежныя майстры, так і тутэйшыя. У тым ліку і вельмі здольныя з прыгоннага люду, якія падрыхтоўваліся ў Гродзенскай музычна-тэатральнай школе або пры адпаведных установах-школах (па-сённяшняму, інстытуцка-універсітэцкага значэння) у Нясвіжы, Слоніме і інш. На вялікі жаль, з адстаўкай Тызенгаўза капэла распалася.