АШМЯНСКІ КАСЦЁЛ І КЛЯШТАР ФРАНЦЫСКАНЦАЎ размяшчаецца ў горадзе Ашмяны Гродзенскай вобласці на ўсходняй ускраіне, на ўзгорку. Заснаваны ў пачатку 16 ст., скасаваны ў 1845 г. Захаваліся руіны касцёла 1822 г.

Касцёл — помнік архітэктуры позняга класіцызму. Вырашаны прамавугольным у плане аб'ёмам, які пераходзіцьу трохгранную апсіду. Галоўны фасад вырашаны высока ўзнятым накладным дарычным чатырохкалонным порцікам з трохвугольным франтонам. Бакавыя фасады прарэзаны высокімі прамавугольнымі аконнымі праёмамі, крапаваны пілястрамі па вуглах і ў прасценках.