БЯРОЗАВІЦКАЯ КАПЛІЦА МАЦІ БОЖАЙ ВАСТРАБРАМСКАЙ размяшчаецца ў вёсцы Бярозаўка Докшыцкага раёна Віцебскай вобласці. Пабудавана ў 2002—03 гг. з цэглы і бутавага ка меню на аснове перададзенага калгаснага канторскага будынка.

Вырашана прамавугольным у плане аб'ёмам, перакрыжаваным па цэнтры трансептам. Над сяродкрыжжам двухсхільных дахаў узведзена двух'ярусная чатыхрогранная шатровая вежа. Уваход вырашаны двухслуповым ганкам пад двухсхільным пакрыццём. На фоне атынкаваных сцен паліхромнай бутавай муроўкай вылучаны тарцы трансепта, двухгранныя шчыты якіх расчлянёны строенымі прамавугольнымі аконнымі праёмамі ў арачных ліштвах. Вуглы ўмацаваны цаглянымі пілонамі-контрфорсамі.