БРОЎКІ ПЕТРУСЯ ДОМ-МУЗЕЙ — філіял Літаратурнага музея П.Броўкі. Заснаваны на радзіме народнага паэта Беларусі П.Броўкі ў в.Пуцілкавічы Ушацкага раёна ў адпаведнасці з пастановай Савета Міністраў БССР ад 10.07.1980 г. і рашэннем Віцебскага аблвыканкама ад 02.02.1982 г. Прыняў першых наведвальнікаў 16.06.1985.

Экспазіцыя дома-музея размясцілася на плошчы 112 м². Прадстаўлены шматлікія арыгінальныя дакументы, якія адлюстроўваюць жыццё і творчасць народнага паэта Беларусі. Экспануюцца яго кнігі, фотакопіі рукапісаў карціны. Шырока прадстаўлены этнаграфічныя матэрыялы і мемарыяльныя рэчы П.Броўкі, якія адлюстроўваюць перыяд яго жыцця ў вёсцы і ранні перыяд творчасці.