ІЗБІЦА – 1) у драўляным дойлідстве Беларусі і суседніх краінаў (Польшчы і Украіны) ХVІ – ХVІІ стст. зрубная надбудова над замкавай
вежай, завершаная шатром. Будавалася звычайна на драўляных замкавых сценах і выкарыстоўвалася як абарончае памяшканне. Выступала за аб'ём вежы. Знешнія выступы знізу былі адкрытыя і выконвалі ролю машыкуляў (навясных
байніцаў у верхняй частцы сцяны крапаснога збудавання);
2) зрубная апора мастоў.