КАДОЛ – прыстасаванне для пад'ёму калодных
вулляў на дрэва. Былі двух відаў: з наглуха ўмацаваным на драўлянай восі колам і са штырамі на калаўроце і асобным станцыянарным блокам.
Кадолы: 1 - з колам, 2 - з калаўротам
Пры накручванні вяроўкі на вось або вал
калаўрота калоду падцягвалі на патрэбную вышыню і ўстанаўлівалі на подкуры ці пакладзеныя на галіны дубовыя брусы. Былі пашыраныя па ўсёй Беларусі. Выкарыстанне кадола зафіксавана на Усходнім Палессі яшчэ ў 1978 г.