КАПЛУН — рэдкая
страва, прыгатаваная з кавалачкаў хлеба і вады. Называлася таксама каплук. У гатаваную ваду (часам вар) крышылі цыбулю, хлеб, дадавалі соль, запраўлялі алеем або салам. На Пружаншчыне каплун рабілі на вадзе, у якой варылася
бульба.
Елі каплун з бульбай. Страва вядома на Брэстчыне (у Камянецкім, Жабінкаўскім, Пружанскім, Бярозаўскім, Іванаўскім раёнах). Падобна да рулёў, цуры.