КАРЫ, лесавозы – сані, вялікія
калёсы для перавозкі лесу і будаўнічых матэрыялаў. Рабілі з масіўных, часцей натуральна выгнутых, палазоў (копанікаў); апошнія трывала злучалі паміж сабой па капылах дубовымі вязамі, брускамі ці патоўшчанымі на канцах калодкамі (лісіцамі, або падушкамі). Спосаб укладкі бярвёнаў залежаў ад даўжыні, канструкцыі, мясцовых тыпаў запрэжкі.
Кары Часам бярвёны клалі сярэдняй часткай на кары, каня запрагалі ў
аглоблі, прымацаваныя да бервяна. У іншых выпадках бярвёны клалі на кары камлёвай часткай, а заднія іх канцы валакліся па снезе «цяглом» або клаліся на падсанкі (сучка).
Шырока выкарыстоўваліся кары да сярэдзіны XX ст.