КОМІН — дымаход у печы. Комінам называўся таксама ганчарны выраб, які выкарыстоўвалі ў верхняй частцы дымахода (у паўднёва-заходніх раёнах яго называлі ладыш).


Уяўляў сабою высокі цыліндр дыяметрам 25 — 30 см, даўжынёй 80 — 100 см. Да абпальвання ў горне яго манціравалі з дзвюх нарыхтовак даўжынёю 40 — 50 см кожная. У наш час для гэтага выкарыстоўваюцца бляшаныя і азбацэментавыя трубы.