КРЭЎСКАЯ КЕРАМІКА —
ганчарныя вырабы (збанкі, гладышы, гаршкі, цёрлы, міскі, слоікі, вазоны і інш.) з в.Крэва Смаргонскага раёна — буйнога цэнтра керамічнай вытворчасці ХІХ — 1-й паловы ХХ ст.
Промысел вядомы з XIV ст. Вылепленыя вырабы дапрацоўвалі на ручным ганчарным крузе з наступным гартаваннем або дымленнем; у 2-й палове ХІХ — ХХ ст. посуд рабілі на нажным крузе і глазуравалі, часам аздаблялі падглазурнай
ангобнай размалёўкай у выглядзе простых раслінных матываў. Посуд вызначаецца ўстойлівымі формамі, выразным S-пaдобным профілем сценак.