КРОШЫНСКІ МУЗЕЙ НАРОДНАГА МАСТАЦТВА I РАМЁСТВАЎ імя Паўлюка Багрыма адкрыты 14.09.1985 г. на радзіме беларускага паэта П.Багрыма ў в.Крошын Баранавіцкага раёна. У аснову экспазіцыі пакладзены матэрыялы, звязаныя з жыццём і дзейнасцю Паўлюка Багрыма.

Сярод экспанатаў прадметы народнага мастацтва і побыту — кавальскія вырабы (некаторыя з іх, як мяркуюць, работы П.Багрыма), плеценыя рэчы, гліняны посуд, ткацтва, набіваныя тканіны, вышыўка, вырабы з дрэва і інш. Музей працуе на грамадскіх пачатках.