КУБЕЛЬНІК — вясельны чын з боку маладога або маладой, які павінен быў выкупіць кубел (скрыню, куфар) з пасагам у сваякоў маладой, заплаціць прысутным за перанос яго на воз і адвезці разам з поездам прыданых да маладога. Называўся таксама надкубальнік, вазіла.

Жаніх або яго бацька выкуплялі ў кубельніка кубел, "ацэньваючы" яго кошт па колькасці абручоў на ім. За перавоз кубла маладая звычайна пакрывала каня станам палатна, якое забіраў кубельнік.