ЛАТЫШСКАЯ MOBA – мова латышоў, асноўнага насельніцтва Латвійскай Рэспублікі. Належыць да балтыйскай групы індаеўрапейскіх моваў. Развіццё мовы і пісьменнасці затрымала інтэрвенцыя нямецкіх феадалаў у XIII ст. У 1537 г. з'явілася рукапісная «Падручная кніга царквы св.Якава».

Першыя друкаваныя кнігі – «Катэхізіс» П.Канізія (Вільня, 1585 г.) і «Малы катэхізіс» М.Лютэра (Кёнігсберг, 1586 г.). Літаратурная латышская мова склалася ў канцы XIX ст. Пісьмо на аснове лацінскага алфавіта (33 літары). Існуюць тры дыялекты: сярэднелатышскі (цэнтральная Латвія, стаў асновай літаратурнай мовы), лівонскі (паўночная частка Курземе, паўночна-заходняя частка Відземе на беразе Рыжскага заліва), верхнелатышскі (усходняя частка Латвіі). Латышская мова ўзаемадзейнічае з беларускай. У літаратурнай мове і гаворках ёсць беларусізмы кага (каза), Kozuch (кажух), matka (маці) і інш., адпаведна ў беларускай мове – словы латышскія («дылда», «мурза», «мітусіць» і інш.).