ЛЯМЕЦ — валены матэрыял з воўны. Выкарыстоўваўся са старажытных часоў для вырабу конскай збруі (хамутоў, падсядзёлкаў, потнікаў, запонаў), галаўных убораў (шапак-магерак, капелюшоў), з ХІХ ст, — і абутку (валёнак).

Для вырабу лямца замочаную ў гарачай вадзе воўну некалькі разоў камячылі рукамі або нагамі, раскочвалі драўлянымі і жалезнымі качалкамі, пасля сушкі расчэсвалі жалезнай шчоткай. У наш час рымарскі і тэхнічны лямец вырабляюць на вытворчым аб'яднанні валюшна-лямцавых вырабаў.