«МИНСКАЯ СТАРИНА» — зборнік дакументаў, артыкулаў і дакладаў па гісторыі, этнаграфіі і археалогіі Беларусі. Выдадзены ў 1909-13 гг. у 4 выпусках
Мінскім царкоўным гісторыка-археалагічным камітэтам.
Большасць матэрыялаў прысвечана гісторыі праваслаўнай царквы і духавенства. У зборніку змешчаны таксама дадзеныя пра сацыяльна-эканамічнае развіццё
Мінскай губерні, песні, казкі, паданні беларускага народа, паведамленні пра вынікі археалагічных раскопак.
У выпуску 4 «Трайчанскі архіў» апісанне дакументаў (з 1517 да 1747 гг.) архіва Слуцкага Троіцкага манастыра, дзе ёсць звесткі пра побыт насельніцтва Случчыны, слуцкія праваслаўныя
брацтвы.