НАБАДРЫ, набедрыкі, набэдрыкі

НАБАДРЫ, набедрыкі, набэдрыкі — частка вупражы; рамяні, прымацаваныя да хамута.

Надзяваліся на каня пры запраганні яго ў аглоблі. Фіксавалі стацыянарнае становішча хамута на шыі каня і забяспечвалі магчымасць тармажэння ці задняга ходу павозкі.

У выязной вупражы рабіліся з упрыгожаннямі — узорным швом, бліскучымі металічнымі накладкамі, кутасамі.

Аўтар: В.С. Цітоў
Крыніца: Этнаграфія Беларусі: энцыклапедыя / Беларуская Савецкая Энцыклапедыя; рэдкалегія: І.П. Шамякін (галоўны рэдактар) [і інш.]. - Мінск: БелСЭ, 1989. - 375 с.