НАЧОЎКІ, ночвыГалоўная »
НАЧОЎКІ, ночвы — карытападобная пасудзіна з шырокім адкрытым верхам. Прызначаліся для мыцця бялізны, прыгатавання сечанай капусты (якую ссыпалі затым у бочкі), мяса для каўбас і інш.
Начоўкі, ночвы
Рабілі з драўлянага цурбана (асіны, ліпы), колатага папалам; ёмістасць выдзёўбвалі цяслой, сценкі і дно знутры згладжвалі скобляй, разцом. 3 сярэдзіны 20 ст. замест драўляных усё часцей ужываюцца металічныя ночвы, якія бытуюць і ў наш час.
Невялікія начоўкі для ачысткі зерня называюцца апалушкі.
Аўтар: В.С. Цітоў Крыніца: "Этнаграфія Беларусі" |