Субота, 15.06.2024, 21:14

НОЎГАРАДСКІЯ ЛЕТАПІСЫ

Галоўная »
НОЎГАРАДСКІЯ ЛЕТАПІСЫ — помнікі старажытнарускага летапісання XII — XVII стст. Складзеныя ў Ноўгарадзе. Вядома 5 асобных летапісных помнікаў, што захаваліся ў шматлікіх спісах. Найбольш старажытныя і каштоўныя — Ноўгарадскі 1-ы (звесткі даведзеныя да 1-й паловы XIV ст.) і Ноўгарадскі 4-ы (да 2-й паловы XV ст.) летапісы. Вылучаюцца змястоўнасцго, лаканічнасцю, дакументальнай дакладнасцю і дзелавым характарам выкладу, дэмакратычнасцю мовы і стылю. Адлюстроўваюць грамадска-палітычнае і культурнае жыццё Ноўгарада, яго сувязі з Псковам, Полацкам, Вялікім Княствам Літоўскім, Лівоніяй, Масквою і іншымі гарадамі і землямі. Падзеі апісаныя у пагадовай форме і асветленыя з пазіцыяў агульнанароднага патрыятызму. Ноўгарадскія летапісы адкрываюцца «Аповесцю мінулых гадоў» і змяшчаюць, апрача арыгінальных мясцовых звестак, гісторыка-дакументальны і літаратурны матэрыял пра мінулае Русі, запазычаны з іншых старажытнарускіх крыніцаў.

Асобныя летапісы багатыя на звесткі па гісторыі Вялікага Княства Літоўска і земляў сучаснай Беларусі, асабліва Ноўгарадскі 4-ы летапіс, што паслужыў адной з асноўных крыніц 2-й рэдакцыі Беларуска-літоўскага летапісу 1446 г.; на падставе Ноўгарадскіх летапісаў складзеная агульна-руская частка летапіснага зборніка 1-й паловы XVI ст., што захоўваўся і дапаўняўся гістарычнымі запісамі ў Супраслі (Супрасльскі рукапіс). У XV — XVII стст. на беларускіх землях бытавалі і іншыя Ноўгарадскія летапісы і розныя летапісныя кампіляцыі ноўгарадскага паходжання (напрыклад, Летапіс Аўрамкі).

Крыніца: «Краязнаўчая газета» № 8 (601) люты 2016 г.
Меню
Відэаканал GantsRegion
Уваход

Пошук
Катэгорыі раздзелу
Публікацыі [252]
Каталог файлаў [100]
Малая краязнаўчая энцыклапедыя [115]
Культура [194]
Адукацыя [38]
Спорт [1403]
Здарэнні [476]
Грамадства [474]
Эканоміка [37]
Транспарт [148]
Блог [6]
Падарожнічаем разам [18]
Каляндар
«  Чэрвень 2024  »
ПанАўтСерЧацПятСубНяд
     12
3456789
10111213141516
17181920212223
24252627282930
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.