ПАДСВІЛЛЕНСКІ КАСЦЁЛ НАЙСВЯЦЕЙШАГА СЭРЦА ІСУСАГалоўная »
ПАДСВІЛЛЕНСКІ КАСЦЁЛ НАЙСВЯЦЕЙШАГА СЭРЦА ІСУСА размяшчаецца ў гарадскім пасёлку Падсвілле Глыбоцкага раёна Віцебскай вобласці на вуліцы Дварцовай. Пабудаваны ў 2000—04 гадах з цэглы.
Вырашаны прамавугольным у плане аб'ёмам пад стромкім двухсхільным дахам. 3 правага боку фасада надбудавана двух’ярусная чатырохгранная шатровая званіца. Па цэнтры фасада выступае рызаліт, вось сіметрыі якога адзначана арачным уваходным парталам і круглым акном-люкарнай над ім. Плоскасныя бакавыя фасады рытмічна расчлянёны арачнымі аконнымі праёмамі.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|