ПРЫГАРАД, прадмесце — населены пункт, размешчаны па-за межамі адміністрацыйнай гарадской тэрыторыі, у большасці выпадкаў паблізу ад яе. Звычайна мае самастойную назву.

3 ростам асноўнага горада прыгарад часта зліваецца з ім. Адрозніваецца ад горада-спадарожніка большай блізкасцю да асноўнага горада і залежнасцю ад яго, часам у адміністрацыйных адносінах падпарадкоўваецца яму. На тэрыторыі Беларусі прыгарады вядомыя з даўніх часоў: некаторыя беларускія гарады з канца ХVІ стагоддзя мелі прадмесці (Траецкае і Ракаўскае ў Мінску, Задунаўе ў Віцебску, Запалоцце ў Полацку, Каралін у Пінску, хутар Сеўрукі ў Гомелі ды іншых). У XVII—XVIII стагоддзях прадмесці з'явіліся і ў мястэчках (Волма Смалявіцкага раёна, Прыдруйск, цяперашняя Піедруя (Латвія), і іншыя).