ПРЫКЛАДЗІНЫГалоўная »
ПРЫКЛАДЗІНЫ — памінальны звычай па нядаўна памерлым сваяку. Называліся таксама прыклады. Адбываліся звычайна ў бліжэйшую пасля пахавання восень або перад залускамі Вялікага посту і Сёмухай. Калі не атрымлівалася ў першы год, то рабілі прыкладзіны на трэці ці сёмы год (Піншчына).
Прыкладзіны заключаліся ў тым, што сваякі, адбыўшы набажэнства ў храме, ішлі на могілкі, дзе ўпарадкоўвалі магілу: ставілі крыж, камень ці абчасаную гранямі калоду (прыкладку), абкладвалі насып дзёрнам і гэтак далей. Навёўшы парадак, рассцілалі па магіле абрус і паміналі.
Прыкладзіны — своеасаблівае завяршэнне цыкла прыватных памінак.
У наш час водгуллем гэтай традыцыі можна лічыць звычай да года пасля пахавання ставіць надмагільны помнік.
Крыніца: «Краязнаўчая газета» № 1 (822) студзень 2021 года |