ВЕСНІЦЫ,
брамка,
фортка – лёгкія, часцей кратаваныя дзверцы для ўваходу з вуліцы ў двор ці са двара на агарод, у сад.
Весніцы. Вёска Будагова Смалявіцкага раёна Весніцы праразаюцца непасрэдна ў варотах ці будуюцца побач з імі. На ўсходзе Беларусі, дзе найбольш пашыраны глухія
брамы, весніцы робяць са шчыльна збітых дошак, часта аздабляюць разьбой, размалёўкай, фігурнымі завесамі і клямкамі. На астатняй тэрыторыі Беларусі пераважаюць лёгкія весніцы са штыкетніку.