ВУШАК — вертыкальны канструкцыйны элемент, з дапамогай якога ствараюцца праёмы
акон і
дзвярэй і адначасова забяспечваецца ўстойлівасць сцяны. Зверху вушакі аб'ядноўваюцца вершніком, знізу пры дапамозе шыпа мацуюцца да
вянца зруба, што стварае парог.
У вушаку робяць пазы, куды закладваюць бярвёны сцяны, а таксама паз — так званую «чвэрць», — каб шчыльней прылягала палатно дзвярэй або лепш уваходзіла аконная рама. Раней у шырокіх вушаках выдзёўбвалі палічкі для рознай хатняй драбязы.