«ЖУРНАЛ МИНИСТЕРСТВА НАРОДНОГО ПРОСВЕЩЕНИЯ» – часопіс, орган Міністэрства народнай асветы Расіі. Выдаваўся ў Пецярбургу ў 1834 — 1917 гг.
Складаўся з афіцыйнай часткі (матэрыялы міністэрства) і неафіцыйнай (артыкулы па народнай асвеце, класічнай філалогіі, гісторыі, літаратуры, фальклору).
На старонках часопіса з матэрыяламі, прысвечанымі Беларусі, выступалі
Мітрафан Віктаравіч Доўнар-Запольскі,
Яўхім Фёдаравіч Карскі, Ф.I.Леантовіч, П.М.Шпілеўскі і інш., змешчаны рэцэнзіі на працы М.Я.Нікіфароўскага, Е.Р.Раманава, М.Федароўскага, П.В.Шэйна і інш. Выдадзены зводныя паказальнікі зместу часопіса.