Жыхары лясной вёскі Ліпск Ганцавіцкага раёна — самай аддаленай ад райцэнтра, Рыгор і Таццяна Ермаковічы не займаюцца агратурызмам, але на сваім сялянскім падвор'і знайшлі месца і экзатычным птушкам — фазанам і паўліну.

— Гэта зусім не клапотна, але нам і нашым дзецям цікава, — кажа гаспадыня Таццяна Ермаковіч.

"Панскія" птушкі, як казалі ў колішнія часы, патрапілі ў Ліпск ад аматара-птушкалюба з вёскі Задуб'е. Карміць і даглядаць дзіўных навасёлаў даверана сынам-школьнікам Дзмітрыю і Аляксандру (на фотаздымку). Знешні выгляд гадаванцаў падказвае, што птушыныя гаспадары ведаюць сваю справу добра.