ВІЦЕБСКІЯ ЗАМКІ – сістэма абарончай забудовы сярэдневяковага Віцебска. Пабудаваныя вялікім князем ВКЛ Альгердам Верхні замак (XIV – XVIII стст.) размяшчаўся на левым беразе Віцьбы, у плане нагадваў трапецыю, меў 8 мураваных вежаў, а Ніжні замак (XIV – XVIII стст.) быў з 7 мураванымі вежамі.

Узгорскі замак (1-я палова XVII – XVIII стст.), узведзены паміж рэкамі Заходняя Дзвіна і Віцьба, меў 3 брамы і 7 драўляных вежаў. Мостам цераз Віцьбу злучаўся з Ніжнім замкам.