БАХМАТСКАЯ КАПЛІЦА БОЖАЙ МАЦІ АНЁЛЬСКАЙГалоўная »
БАХМАТСКАЯ КАПЛІЦА БОЖАЙ МАЦІ АНЁЛЬСКАЙ размяшчаецца на могілках вёскі Бахматы Лідскага раёна Гродзенскай вобласці. Пабудавана ў 1919 г. з дрэва.
Вырашана прамавугольным у плане зрубам пад двухсхільным дахам, завершаным на фасадзе чатырохграннай шатровай вежачкай-званічкай і каркаснай чатырохграннай шатровай сігнатуркай над алтарнай часткай. Гарызантальна ашаляваныя фасады прарэзаны лучковымі аконнымі праёмамі. У канцы 20 ст. да фасада дабудаваны цагляны прамавугольны ў плане пад двухсхільнымі дахамі прытвор, да апсіды — бакавая сакрысція.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|