ДУНІЛАВІЦКАЯ КАПЛІЦА размяшчаецца на могілках на ўсходняй ускраіне вёскі Дунілавічы Пастаўскага раёна Віцебскай вобласці. Пабудавана ў пачатку 20 ст. з цэглы як пахавальня.

Помнік архітэктуры мадэрна. Вырашана прамавугольным у плане прысадзістым аб'ёмам, які з'яўляецца подыумам для мармуровага надмагілля. Вуглы аб'ёму завершаны слупамі-пінклямі, крапаваны лапаткамі, грані крапаваны аркатурамі на два ярусы, апяразаны прафіляваным карнізам.