ДВОРЫШЧАЎСКАЯ КАПЛІЦА МАЦІ БОЖАЙ РУЖАНЦОВАЙГалоўная »
ДВОРЫШЧАЎСКАЯ КАПЛІЦА МАЦІ БОЖАЙ РУЖАНЦОВАЙ размяшчаецца на могілках на захад ад вёскі Дворышча Лідскага раёна Гродзенскай вобласці. Пабудавана ў пачатку 21 ст. з цэглы і бутавага каменю.
Вырашана кубападобным аб'ёмам, перасечаным па падоўжнай восі вузейшым аб'ёмам нефа пад V-падобным пакрыццём. Над франтальным фасадам узвышаецца рызаліт-пласціна. Вось яго сіметрыі адзначана крывалінейным парталам арачнага ўвахода і «церамным» праёмам званіцы над ім. Плоскімі рызалітамі вылучаны і бакавыя фасады.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|